2018. Kortxo-kentzekoak, ingeniaritza, historia eta diseinua

2018, uztailak 18 – abuztuak 30

	Hasiera Lekua Ordutegia

José Mari López hondarribiarraren “Kortxo-kentzekoa, ingeniaritza, diseinua eta historia” bildumaren erakusketa aurkezten du ARMA PLAZA Fundazioak, tresna berezi hauek ezagutaraztea du helburu nagusi duelarik. Bere bilduma, gutxi gorabehera 3.000 kortxo-kentzekok osatzen dute, 2001 eta 2018 urteen artean lortu dituenak. Mundu osoan zehar aurkitutako piezak dira, horien artean aipagarrienak Frantzian, Alemanian, Ingalaterran, Suitzan… egindakoak. Baina badira Hego Amerikan (Argentina, Mexiko…), Asian (Japonia, Malaysia…) eta Australian egindakoak ere. Jende ugari kortxo-kentzeko erakusketaren inaugurazioan Bere bilduma Espainiako estatuko garrantzitsuenetako bat dela esan genezake, kortxo-kentzeko moten aniztasunagatik eta urte hauetan zehar aurkitutako piezen kopuruagatik. Familiatan sailkatutako 1.000 bat pieza biltzen ditu erakusketa honek. Bildumako kortxo-kentzekoen aniztasunari, kopuru handiari eta kalitateari erreparatuz, zaila eta konplexua izan da horiek hautatzea. Ibilbide atsegin honetan, deigarriak egingo zaizkigu diseinu batzuen sinpletasuna funtzionaltasunera lotuta, mekanismo batzuen konplexutasuna beren estetika delikatuarekin lotuta, pieza batzuen sormena eta orokorrean arreta gutxi jartzen diegun tresna horiei aplikatutako baliabideak. Katalogo honi buruzko informazio gehiago gure Argitalpenak atalean eta gure on line dendan erosi. José Mari Lópezen bildumako kortxo-kentzekoeetako bat Erakusketa honek pieza batean kontzentratuta dagoen diseinua eta teknologia munduan murgiltzeko aukera ematen digu, gure familia ingurunean oso modu praktikoan eguneroko erabilera duena eta askotan oharkabean pasatzen dena. Teknikak eta estetikak bat egiten duten mundu honetan, edertasun handiko piezak eskaintzen dizkigute. Erakusketa honek Hondarribian kokatzen den Hiruzta Txakolin upategiaren babesa izan du. Erakusketak iraun zuen bitartean José Mari Lópezek bisita gidatuak egin zituen bertan, kortxo-kentzeko motak, funtzionamendua, ezaugarriak… azalduz. Osagarri gisa, Hiruzta upategira bisita egin zen, kortxo-kentzeko berezi batzuen erabilera eta maneiua erakusteko. Azkenik, erakusketan bertan jolas bat diseinatu zen. “kortxo-kentzeko faltsua” aurkitu eta emaitza hautestontzi batean utzi behar zen. Ondoren, Hiruztan zozketa bat egin zen txakolin ardo sortaren hiru sarirekin. Erakusketa honek katalogo bat du euskaraz, gaztelaniaz eta frantsesez. Ikusi gure dendan Bildumaren kortxo-kentzeko esanguratsuenekin horma-irudi bat egin zen eta kortxo-kentzeko bat baita ere. Ikusi ere gure dendan Lotutako dokumentuak Erakusketaren horma-irudia José Mari Lópezi egindako elkarrizketaren bideoa Proiektuaren laburpen-bideoa Bideo Hiruzta txakolin upeltegian egindako zozketaren bideoa Kortxo-kentzeko erakusketa eta Hiruzta upategiko bisita gidatua Kortx-kentzeko jokua erakusketan Irudi-galeria Informazio gehiago Prentsako albisteak Lekua ARMA PLAZA, 2. solairua Arma Plaza 9, Hondarribia Ordutegia Astelehentik igandera: 9:30 - 19:30